Kryetari i Komunës së Podujevës, Shpejtim Bulliqi, ka vizituar sot Qendrën Kryesore të Mjekësisë Familjare (QKMF) në Podujevë, njofton kumtesa komunale, trasnmeton Llapi.info.
Gjatë kësaj vizite kryetari Bulliqi është njoftuar nga menaxhmenti i QKMF-së për punët dhe angazhimet e tyre të përditshme, nevojat dhe sfidat me të cilat ata përballen gjatë punës së tyre në shërbim të qytetarëve.
Bulliqi premtoi përkrahjen e tij dhe angazhim maksimal të ekzekutivit komunal për QKMF-në, duke pasë parasyshë gjendjën e saj, sidomos gjatë kohës së përballjes më pandeminë Covid-19.
“Do të jem në vizita të shpeshta ne QKMF, për t’i parë nevojat dhe për t’i bërë intervenimet e nevojshme që ndikojnë në plotësimin e nevojave për punë dhe për shërbime cilësore ndaj qytetarëve llapjanë”, tha kryetari Bulliqi.
I pari i Podujevës vizitoi edhe shërbimin emergjent dhe qendrën e triazhimit për Covid-19.
Nga ekipi mjekësor në këtë repart, kryetari Bulliqi u njoftua me situatën epidemiologjike dhe procesin e testimit për Covid-19.
Kryetari Bulliqi falënderoi ekipin mjekësor për angazhimin në këtë situatë të vështirë pandemike./Llapi.info
