Deputeti i Listës Guxo, Haxhi Avdyli, edhe kësaj radhe po përmendet për ministër të Shëndetësisë.
Madje dje, kryetarja e Guxo-s, Donika Gërvalla tha se do ta propozojë Avdylin për ministër.
Megjithatë, ky i fundit po thotë se ndjehet komod në pozitën e deputetit. Në një koment të tij të publikuar në profilin e gazetarit Bujar Vitija, Avdyli ka thënë se kjo punë nuk është hajgare.
Kjo pasi gazetari Vitija ka shkruar se partia po tallet me Avdylin, duke e përmendur për ministër.
“Asnjëherë nuk kam tentuar dhe askush nuk po bën hajgare. Më shumë janë përmendje e insistim e te mediave e njerëzve dashamir. I falenderoj të gjithë ata që kanë konsideratë që jam i denjë për atë pozite, po i nderuar Bujar unë jam komod në pozitën e deputetit dhe nga aty po mundohem të jap kontribut me aq sa po mundem e po di për shëndetësinë dhe proceset tjera. Respekte e mirupafshim”, ka shkruar Avdyli.
