Gazeta Sinjali pak më parë publikoi detaje nga operacion i Njësisë së Antidrogës i zhvilluar në fshatin Kovaçi të Zubin Potokut, gjatë të cilit u kapën 50 kilogramëve substancë e dyshuar narkotike e llojit marihuanë dhe u arrestuan gjashtë persona, dy prej të cilëve jetojnë në veri të Mitrovicës.
Ndërkohë burimet nga Prokuroria kanë bërë të ditur për Sinjalin emrat e të gjithë të arrestuarve gjatë këtij aksioni, ku pesë nga ta të etnisë serbe dhe 1 i etnisë gorane.
1 Dragoljub Grujic , 38 vjeç
2 Bekim Dzafce , 31-vjeçar
3 Dragan Todorovic, 34-vjeçar
4 Krsto Duric, 26-vjeçar
5 Nenad Nedeljkovic, 44-vjeçar
6 Lubisav Millutinovic, 36-vjeçar
Gjashtë të arrestuarit, janë shoqëruar fillimisht në stacion policor, ku kanë dhënë deklaratat e tyre për rastin dhe më pas ndaj tyre, Prokurori i Shtetit ka dhënë urdhër për ndalim prej 48 orësh.
Gjatë këtiij aksioni janë sekuestruar edhe pajisje të ndryshme për mirëmbajtjen e laboratorit, mbi 150 bimë të kanabisit, një veturë, para të gatshme në euro e dinar, telefona, si dhe llaptopë.
Për këtë aksion ka shkruar vetëm ministri i Punëve të Brendshme, Xhelal Sveçla, i cili që një kohë po luan rolin e zëdhënësit të Policisë, duke njoftuar për aksionet, para se të lëshojë komunikatë Zyra për Media e Policisë.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
