Ministrja e Kulturës, Rinisë dhe Sportit Vlora Dumoshi, i është gëzuar sukseseve të xhudisteve nga Kosova Distria Krasniqi dhe Nora Gjakova.
Dumoshi tha se sportistët çdo ditë e më shumë po i japin nder vendit tonë.
“Sportistët tanë po i japin çdo ditë e më shumë nder dhe vlerësim ndërkombëtar vendit tonë, duke u bërë zëri më pozitiv i Kosovës dhe shembull frymëzues për rininë tonë. Sukseset e sotshëm të Distria Krasniqit dhe Nora Gjakovës, janë dëshmi se shteti ynë po rritet dhe Kosova tashmë ka zënë vend meritor në hartën e sportit ndërkombëtar “- tha Dumoshi.
Ajo shprehet se do të jetë tejet e përkushtuar të përmirësoj kushtet dhe infrastrukturën që sportistët tanë të mund të zhvillohen sa më mirë.
