Rajonet e Spanjës ku konsiderohet se spitalet janë në gjendje të trajtojnë një valë të dytë të mundshme të infeksioneve të coronavirusit, do të lejohen të heqin bllokimin duke filluar që nga nesër.
Në disa zona, kryesisht ato rurale, bareve dhe restoranteve do të ju lejohen të hapin gjysmën e tarracave në ambientet e jashtme, transmeton Telegrafi.
Kishat, teatrot dhe muzetë gjithashtu do të rihapen, por me kufizim të numrit të vizitorëve.
“Lufta kundër epidemisë po vazhdon, sepse nuk është shuar dhe as nuk do të shuhet derisa të gjejmë një vaksinë ose një ndonjë medikament që do ta trajtonte si duhet”, ka thënë kryeministri Pedro Sánchez.
Pas 55 ditësh, më në fund do të lehtësohet prej nesër lëvizja edhe në Francë. Banorët nuk kanë nevojë të kenë leje, për të udhëtuar deri në 100 kilometra, ndërsa transporti publik do të zhvillohet në masë shumë më të madhe.
Kafenetë, restorantet dhe baret mbesin përkohësisht të mbyllura, por do të hapen sallonet e bukurisë dhe lokalet e vogla, por jo edhe qendrat tregtare.
Britani e Madhe që e ka numrin më të lartë të vdekjeve në Evropë, do të bëjë lehtësimin e masave të bllokadës, por hequr kufizimet mbesin mjaft të ashpra. Me këto lehtësira, iu mundësohet banorëve që të ushtrojnë përjashta, për një kohë më të gjatë.
Do të shpenzohen mbi dy miliardë euro, në promovimin e ecjes dhe çiklizmit, pjesërisht duke zgjeruar trotuaret, krijimin e pistave të çiklizmit dhe kthimin e disa rrugëve të hapura vetëm për çiklistë.
