Zëvendëskryeministri në detyrë, Driton Selmanaj, gjatë fushatës zgjedhore ishte shprehur i bindur në fitoren e LDK-së në zgjedhjet e 14 shkurtit.
Ai madje pati thënë se me LDK-në nuk bën të bëhet lojëra.
“Me ujin, zjarrin dhe LDK-në”, nuk bën të bëhen lojëra”, pati thënë ai në një tubim të fushatës.
Por, në zgjedhjet e së dielës doli krejt tjetër çka. Partia e Isa Mustafës ka shënuar humbjen më të thellë në historinë e saj në zgjedhje. LDK nuk ka fituar në asnjë komunë, ndërsa ka humbur thellë edhe në komunat ku udhëheqin zyrtarë të këtij subjekti politik.
Kur janë numëruar 99.23% të votave, LDK-ja renditet në vendin e tretë me 102 mijë e 959 vota apo 13,08%.
Ndërkaq LVV vazhdon të prijë. Aktualisht, LVV numëron 376 mijë e 933 vota, apo 47,88%. Partia e Albin Kurtit ndiqet nga PDK-ja në vend të dytë, e cila aktualisht ka marrë 136 mijë e 681 vota apo 17,36%./Llapi.info
