Delegacioni i Crvena Zvezdas, i udhëhequr nga Zvezdan Terzic, nuk u lejuan të hyjnë në Kosovës në vendkalimin në Jarinje dhe kjo sipas tij ishte një vendim që u mor nga Qeveria e Kosovës dhe është fitore për Serbinë.
Crvena Zvezda ishte nisur në drejtim të Kosovës për të tentuar hyrjen brenda territorit tonë për të zhvilluar ndeshjen ndaj klubit ilegal serb, Trepça, në Zveçan, por u kthyen mbrapa nga Policia e Kosovës.
Drejtori i përgjithshëm i klubit serb në një intervistë joformale tha se qeveria e Kosovës e kishte ndaluar ndeshjen dhe se kjo është një fitore për shtetin dhe klubin e tyre.
“Ju jeni dëshmitarë të asaj që ndodhi. Ne kemi ardhur të luajmë futboll dhe të luajmë sport, por kjo na u mohua me gjithë rekomandimin e FIFA-s”, ka thënë fillimisht Terzic për gazetarët.
“Institucionet e Kosovës e injoruan atë. Unë isha i pari në kolonë dhe kur mbërritëm në kufi, oficerët e policisë thjesht thanë se ishte një vendim i të ashtuquajturës Qeveria e Kosovës dhe se ata nuk kishin asnjë shpjegim të mëtejshëm”.
Ai shtoi se ishte keqardhje që njerëzit u privuan nga një ngjarje sportive.
“Edhe pse ata thirren në sport dhe futboll në të ashtuquajturën Kosovë, ata kanë treguar se gjithçka është vetëm një farsë dhe se ata nuk funksionojnë në frymën e lojës së ndershme”.
“Ne nuk donim të merreshin me insinuata dhe kjo është arsyeja pse erdhën. Kjo është një fitore e madhe diplomatike për Serbinë dhe Zvezdan, pasi FIFA këshilloi të luhej ndeshja”, përfundoi drejtuesi i klubit serb.
