Një përleshje mes disa personave ka ndodhur sonte rreth orës 19:30 në rrugën “Fahri Fazliu” në Podujevë, raporton Llapi.info.
Sipas dëshmitarëve, në këtë përleshje ka pasur edhe të shtëna me armë, ku dyshohet për dy të plagosur. Siç mëson Llapi.info, gjendja e tyre nuk është në rrezik.
Llapi.info ka kontaktuar me disa zyrtarë policorë nga drejtoria rajonale e Prishtinës, si dhe me zyrtarë në stacionin e Policisë në Podujevë, por deri më tani asnjëri nuk ka dhënë informata më të hollësishme./Llapi.info
