Ish-ministri shtetëror gjerman për Evropë, Michael Roth, i ka bërë thirrje Bashkimit Evropian që ta mbajë premtimin për liberalizimin e vizave për Kosovën.
Përmes një shkrim në Twitter, pas takimit me emisarin e posaçëm të Bashkimit Evropian për dialogun Kosovë-Serbi, deputeti gjerman ka thënë se Ballkani Perëndimor i takon Bashkimit Evropian, shkruan teve1.info.
“Shtetet e Ballkanit Perëndimor na përkasin neve dhe meritojnë më shumë se veç fjalë goje. BE-ja duhet t’i mbajë premtimet e saj: Duke nisur nga bisedimet për pranim me Shqipërinë dhe Maqedoninë e Veriut, e liberalizimin e vizave për Kosovën”, ka thënë ai.
Roth kishte shërbyer në postin e ministrit shtetëror për Evropën në periudhën 2014-2021, nën Angela Merkelin.
Dear @MiroslavLajcak,thanks for your visit+your great work.The Western Balkan states belong to us+deserve more than lip services. EU must keep its promises: starting accession talks with Albania🇦🇱 +North Macedonia🇲🇰,visa liberalisation for Kosovo🇽🇰 .Democracy+rule of law matter. pic.twitter.com/z92kB0I4bo
— Michael Roth MdB 🇪🇺🇺🇦 (@MiRo_SPD) March 29, 2022
