Chelsea po mendon të ndërtojë një skuadër të fuqishme për edicionin e ri dhe të rikthehet në luftën për trofe.
Londinezët kanë blerë marokenin Hakim Ziyech, ndërsa raportohet se kanë paguar klauzolën edhe të super sulmuesit gjerman Timo Werner.
Megjithatë londinezët nuk do të ndalet me kaq, pasi duan ta blindojnë portën e tyre për disa vite.
Gjiganti anglez po tenton transferimin e njërit nga portierët më të mirë në botë, sllovenit Jan Oblak.
Chelsea tanimë ka bërë një hap para, duke dërguar edhe një ofertë zyrtare në drejtim të Atleticos për numrin një të Los Colchoneros.
Kampioni i gjashtëfishtë i Anglisë ka ofruar portierin spanjoll Kepa Arrizabalaga dhe 30 milionë funte për Jan Oblak.
27-vjeçari slloven vlerësohet 80 milionë euro, ndërsa Chelsea e ka barazuar ofertën pasi e vlerësojnë Kepan 50 milionë plus 30 milionë euro para kesh për Atleticon.
Mediat spanjolle raportojnë se Atleticos i ka pëlqyer ideja të kenë në radhët e veta Kepan dhe të fitojnë një shumë të mirë të parave për ta lënë të lirë Oblakun të largohet.
Megjithatë madrilenët po kërkojnë nga londinezët që të rritin pak më shumë shumën e parave në mënyrë që oferta të pranohet.
