Kryetari i Komunës Shpejtim Bulliqi, ka vizituar sot fabrikën IZOVENT në fshatin Peran, e cila merret me termoizolim, klimatizim dhe ventilim.
Fabrika, e themeluar dhe e menaxhuar nga Erblin dhe Muhamer Fejzullahu, sot punëson 22 punëtorë, duke krijuar vende të reja pune dhe duke kontribuar në zhvillimin ekonomik lokal.
Kryetari Bulliqi u shpreh se mbështetja e ndërmarrjeve vendore mbetet prioritet i yni, sepse ato janë burim i zhvillimit dhe mirëqenies për qytetarët tanë. Angazhimi ynë në qeverisje lokale është të krijojë kushte më të favorshme për bizneset vendore, duke i ndihmuar ato të rriten dhe të jenë konkurruese në treg.
