Kryetari i komunës së Podujevës, Shpejtim Bulliqi, ka thënë se 10 policë nga Stacioni Policor i kësaj komune po shërbejnë në veri të vendit, shkruan Llapi.info.
Kështu ka thënë Bulliqi nëpërmjet një postimi në rrjetin social, Facebook.
Postimi i tij:
Policia e Kosovës me qëndrueshmërinë e tyre në veri të vendit, po tregojnë përkushtim maksimal në misionin e tyre për ofrimin e sigurisë në mbrojtjen e sovranitetit dhe integritetit territorial të Kosovës.
Nga Stacioni Policor në Podujevë i kemi mbi 10 zyrtarë policorë që po shërbejnë në veri të vendit për çdo ditë, gatishmëria dhe morali i lartë i tyre është për tu admiruar.
Ata kanë gjithë mbështetjen time dhe të qytetarëve llapjanë, me vullnetin e dashurinë që po tregojnë ndaj atdheut meritojnë respektin maksimal të secilit nga ne.
Uroj që kjo situatë të tejkalohet sa më shpejt dhe veriu i vendit t’i kthehet normalitetit.
