Shefi i Grupit Parlamentar të LDK’së, Avdullah Hoti, ka deklaruar se bashkë me bashkëshorten e tij marrin rrafsh 54 mijë e 610 euro për një vit. Apo 4 mijë e 542 euro në muaj. Hoti ka deklaruar tri vende pune: një si deputet, tjetrën si profesor në UP, tjetrën si profesor në një kolegj privat. Ka deklaruar se kolegji privat ia ka dhënë 8100 euro parapagim.
Një kolegj privat në Kosovë e ka parapaguar Avdullah Hotin për të dhënë mësim. Ia ka dhënë 8 mijë e 100 euro para të gatshme.
Por, Avdullah Hoti, në total merr gati shtatë herë më shumë euro në vit krahasuar me paratë që ia ka parapaguar kolegji privat.
Shefi i deputetëve të LDK’së se nga Kuvendi i Kosovës merr 25 mijë e 632 euro; nga Kolegji Dardania 8 mijë e 100 euro në vit; nga qiraja e banesës 1 mijë e 365 euro; nga mëditjet e Kuvendit të Kosovës 1 mijë e 325 euro; pagë nga UP’ja në vlerë prej 11 mijë e 183 euro; dhe mëditje nga Akademia e Shkencave në vlerë prej95 eurosh.
Për gruan që i punon në Këshillin Gjyqësor të Kosovës, Hoti ka deklaruar se i merr 6 mijë e 910 euro.
Në total për një vit merr 54 mijë e 610 euro. Apo mesatarisht në muaj, Hoti merr nga 4 mijë e 550 euro.
Nëpër banka ka deklaruar se i ruan 2 mijë e 648 euro.
Prej vitit 2010 deri tash, ish-Nënkryetari i Komunës së Prishtinë ka blerë tri banesa.
Një në vitin 2010 në vlerë prej 68 mijë eurosh; një tjetër në vitin 2015 në vlerë prej 60 mijë eurosh; një tjetër vitin e kaluar në vlerë prej 105 mijë eurosh.
Total vlera e tri banesave të tij është 233 mijë euro.
Ka deklaruar se ka një kredi, të cilën e paguan në dhjetor të vitit 2020 në vlerë prej 27 mijë eurosh.
