Kryetari i Komunës së Podujevës, Shpejtim Bulliqi, bashkë me drejtorin e Drejtorisë së Planifikimit Urban dhe Mbrojtje të Mjedisit, përuruan asfaltimin e disa rrugicave në fshatin Letanc, transmeton Llapi.info.
Kryetari Bulliqi u shpreh i lumtur me realizimin e këtyre projekteve dhe me cilësinë e punimeve infrastrukturore që po zhvillohen gjithandej komunës sonë.
“Dinamika e punës po ecën mirë, dhe cilësia e punimeve është e kënaqshme. Do të vazhdojmë me projekte infrastrukturore të cilat do të përmirësojnë direkt jetën e qytetarëve tanë”, tha ai./Llapi.info
