Policia e Kosovës ka njoftuar se ka arrestuar një person nën Podujevë për dhunë në familje, shkruan Llapi.info.

Sipas njoftimit, tek i dyshuari janë gjetur një kallash, një pistoletë, 35 fishekë dhe një shufër metali.

Njoftimi i plotë:

Drejtoria Rajonale e Policisë – Prishtinë, po ndërmerr të gjitha masat e nevojshme policore për të siguruar rendin dhe qetësinë publike në rajonin e Prishtinës

Në kuadër të veprimeve operative që po kryen policia me qëllim parandalimin dhe zbulimin e veprave kriminale, mbrëmë nga hetuesit e stacionit policor të Podujevës, kanë arrestuar një person për veprën dhunë në familje si dhe kanë gjetë dhe sekuestruar :

-një pushkë automatike AK47 dhe
-një pistoletë
– tre karikatorë
-35 fishekë
– një shufër metalike etj.
Personi i dyshuar:
1. N.S. mashkul 37 vjeç,

është shoqëruar në stacion policor dhe ndaj tij në konsultim me prokurorin e shtetit është shqiptuar masa e ndalimit për 48 orë, ndërkohë që është iniciuar rast për veprat dhunë në familje dhe mbajtje në pronësi, kontroll ose posedim të pa autorizuar të armëve.