Ambasadori britanik, Ruairí O’Connell, është takuar sot me studentët e Kolegjit Ndërkombëtar të Biznesit në Mitrovicë dhe qytetarë nga Mitrovica e veriut dhe Mitrovica e jugut, për të diskutuar çështjet aktuale dhe për të folur për punën e Ambasadës Britanike në Prishtinë.
“Brezi juaj do të jetë ai që përcakton mënyrën se si do të shkojmë. Ju nuk mund të ndryshoni atë që ka ndodhur, por ju mund të ndryshoni atë që ndodh në të ardhmen, brezi juaj do të ndryshojë botën”, iu ka thënë studentëve ambasadori O’Connell.
