Një person ka mbetur i lënduar në vetaksidentin që ndodhi rreth orës 19:00 te “Qafa”, ku një veturë goditi një lis.
Lajmin e ka konfirmuar zëdhënësja e Policisë për Rajonin e Prishtinës, Flora Ahmeti.
Sipas saj, të njëjtit i është ofruar trajtim mjekësor. Për zbardhjen e shkaqeve të këtij vetaksidenti, Ahmeti ka deklaruar se Policia ka nisur hetim.
“Sot rreth orës 19:00, në rrugën “UÇK”, në Prishtinë, ka ndodhur një aksident trafiku, ku është përfshirë një veturë. Si pasojë e aksidentit një person ka pësuar lëndime trupore dhe të njëjtit i është ofruar trajtim i nevojshëm mjekësor. Policia ka nisur një hetim për zbardhjen e shkaqeve të këtij vetaksidenti”, ka deklaruar Ahmeti.
