Një aksident trafiku ka ndodhur sot rreth orës 10:30 në rrugën Podujevë – Shajkoc, raporton Llapi.info.
Në këtë aksident kanë qenë të përfshira dy automjete, ku për pasojë kanë mbetur të lënduar dy persona. Lajmin për Llapi.info e ka konfirmuar edhe zëdhënësja e Policisë së Kosovës për rajonin e Prishtinës, Flora Ahmeti.
“Rreth orës 10:30, kemi pranuar informatën për një aksident trafiku në rrugën Podujevë -Shajkovc. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar dy persona, të cilët janë dërguar për trajtim mjekësor”, ka thënë Ahmeti.
Bazuar në statistikat ditore të PK-së, vetëm dje në Kosovë kanë ndodhur 36 aksidente, 16 prej tyre kanë përfunduar me persona të lënduar./Llapi.info
