Një person ka humbur jetën dhe të paktën 30 janë lënduar, si pasojë e përplasjes së dy trenave në afërsi të Munihut, ka njoftuar policia gjermane.
Në një postim në Twitter, policia e këtij qyteti gjerman ka bërë të ditur se dy trenat janë përplasur në rajonin e Ebenhausen Schaftlarn që gjendet në juglindje të Bavarisë, transmeton Telegrafi.
“Ekipe të shumta të shpëtimit dhe autoambulanca kanë dalë në vendin e ngjarjes, ku ka të lënduar”, thuhet ndër tjera në njoftim.
Ndërkaq e përditshmja gjermane Bild raporton se shoferi i trenit ka ngecur brenda kabinës.
Në anën tjetër policia është duke hetuar shkakun që çoi deri te ky aksident hekurudhor.
Im südlichen Münchner Landkreis sind im Bereich des S-Bahnhofs Ebenhausen-Schäftlarn zwei S-Bahnen zusammengestoßen.
Vor Ort sind zahlreiche Einsatzkräfte, es gibt verletzte Personen, die Strecke ist derzeit komplett gesperrt.
Weitere Informationen folgen.
— Polizei München (@PolizeiMuenchen) February 14, 2022
