Shefi i Grupit parlamentar të Aleancës për Ardhmërisë së Kosovës, Ahmet Isufi ka thënë se meqë Serbia po vazhdon me veprime kundër Kosovës duhet të ndërpritet dialogu, të kërkohen dëmshpërblimet nga Serbia dhe të vijë në shprehje reciprociteti.
Ahmeti në seancën për politikë të jashtme, ka thënë se duhet të ndodhë reciprociteti me Serbinë, pasi nuk po zbaton marrëveshjet e Brukselit për të mos penguar njëra-tjetrën në proceset integruese.
“Meqë kemi të bëjmë me një shtet i cili edhe më tutje ka në politikën e saj shovinizëm dhe veprime anti Kosovë, atëherë duhet të ndërpritet dialogu, duhet të kërkohen të gjitha dëmshpërblimet nga Serbia për dëmet që iu janë bërë Kosovës dhe qytetarëve dhe po ashtu të vije në shprehje reciprociteti në mënyrë që Kosova të tregoj vitalitetin e vet, zhvillimin e vet si shtet”, tha ai.
