Skandali te Thesari i Shtetit, ku u avulluan 2.1 milionë euro ngjalli reagime të shumta, e ndër ta është edhe kryetari i Prishtinës, Shpend Ahmeti.
Ai kërkon që të ketë garancë që kjo është hera e parë që ka vjedhë dikush me këtë metodë, e jo hera e parë që i kanë zënë.
Njoftimi i plotë:
Re: Vjedhja në thesar
Në serialin tashmë të njohur të Netflix, Ozark, Jason Bateman e luan një shpërlarës të parave që punon për një kartel meksikan të drogës.
Kur kryeshefi i kartelit e zbulon se disa nga kolegët e Martyt (karakteri i Bateman) kishin vjedhë para nga karteli, i mbledh avokatët dhe në kërcënim të vrasjes ja u ben një test pyetje, në qoftë se ata duan të shpëtojnë.
Ju thotë, Pastruesen në shtëpi që e kam pas qe 20 vite e kam zënë që mi ka vjedh 10 dollarë. Cka duhet me vepru me të? Ata të parët i thonë se duhet me ja fal se pak para, hera e parë etj etj. Përgjigje e gabuar sipas atij.
Marty i thotë duhet ta largosh nga puna menjëherë.
Në pyetjen pse, ai thotë: nuk është hera e parë që të ka vjedh, është hera e parë që e ke zënë.
Edhe me vjedhjen e thesarit në Kosovë. A ka garancë që kjo është hera e parë që ka vjedhë dikush me këtë metodë, e jo hera e parë që i kanë zënë?
