Ramazani te shqiptarët ka qenë gjithmonë i një rëndësie të veçantë. Madje agjërimi nuk është lënë anash as në kohë lufte.
Ish-ushtari i UÇK-së Agim Gashi, që njëherësh ushtronte edhe detyrën e imamit në xhaminë e Llapashticës, ka rrëfyer momente prekëse gjatë betejave në rajonin e Llapit.
Ai thotë se shumica e dëshmorëve të rënë në këtë betejë kanë qenë agjërueshëm, ndërsa thotë se iftar bënin me borë.
Edhe pse në cilësinë e imamit, Gashi thotë se ka kërkuar nga ushtarët që të prishnin agjërimin, një gjë të tillë nuk pranonin ta bënin.
Thotë se iftar e syfyr arrinin të hanin diku rreth orës 23:00, pavarësisht se iftari në atë kohë ishte rreth ores 16:00.
