Një person i shumëkërkuar nga Policia e Kosovës është arrestuar sot në fshatin Batllavë të Podujevës, raporton Llapi.info.
Kështu ka njoftuar Policia e Kosovës, ku është bërë e ditur se i arrestuar dyshohet për vrasje të rëndë.
Njoftimi i plotë:
Policia e Kosovës arreston personin e shumë kërkuar, i cili ishte në kërkim për vite me radhë
Prishtinë, 16 korrik 2023
Si rezultat i angazhimeve dhe hetimeve të pandërprera të Policisë së Kosovës, sot me datën 16.07.2023, rreth orës 17:00, në Batllavë të Podujevës është arrestuar i shumë kërkuari (I, A,) i njohur me nofkën “Liza”.
I njëjti ishte në kërkim policor për disa vite me radhë, si i dyshuar për vepër penale të vrasjes së rëndë.
Arrestimi i tij është kryer, pas bashkëpunimit dhe koordinimit të njësiteve të ndryshme policore, përfshirë sektorin e narkotikëve të cilët kanë asistuar deri në arrestimin e tij.
Të gjitha veprimet e mëtejme policore, do të realizohen në bashkëpunim dhe koordinim me organet e drejtësisë.
/llapi.info/
