Policia e Kosovës po kërkon ndihmën e qytetarëve për të gjetur 24-vjeçarin e zhdukur nga Shtimja, shkruan Reporteri.net.
24-vjeçari është Agon Misini me banim në rrugën “Tahir Sinani” në Shtime.
Komunikata e policisë:
Me datë 02.06. 2023, rreth orës 22:30 policia e stacionit në Shtime ka pranuar një informacion se është një rast i personit të zhdukur nga Shtimja.
Bëhet fjalë për personin, AGON HYSEN MISINI i lindur me 12.12.1999, me banim në rrugën “Tahir Sinani”, komuna Shtime.
Detajet për të:
Ai është i gjatë, 175 cm
Peshon, 125 kg
Sy kafe
Flokë të zeza
Ka pak mjekërr
Kishte të veshura: xhaketë hiri, bluzë të bardhë, pantollona dhe këpucë të zeza.
Që nga dita e raportimit, ekipet e policisë në bashkëpunim të ngushtë me familjarët e tij, banorë të zonës, janë në kërkim të personit të zhdukur.
Policia Rajonale e Ferizajt ka marr autorizimet nga prokurori i rastit nga Prokuroria Themelore në Ferizaj për publikim e të dhënave të tij dhe kërkojmë bashkëpunimin e qytetarëve .
Të gjithë ata që kanë informacione, që ndërlidhet me të zhdukurin, ta njoftoni menjëherë policinë, stacionin më të afërt të policisë, apo përmes numrit kujdestar 192 dhe aplikacionit digjital” Lajmëro Policinë”
