Një person nga Podujeva ka humbur jetën në një aksident që ka ndodhur dje rreth orës 17:00 në Prishtinë, raporton Llapi.info.
I njëjti është dërguar për tretman mjekësor në QKUK, por që ka ndërruar jetë në orët e para të mëngjesit të sotëm.
Rastin e ka konfirmuar edhe zëdhënësja e Policisë së Kosovës, Flora Ahmeti.
“Sot rreth orës 03:30 e kemi pranuar informatën nga QKUK, se ka ndërruar jetë këmbësori A. J. 28 vjeç. Bëhet fjalë për këmbësorin cili u aksidentua me datën 31 dhjetor 2022, rreth orës 17:00, në rrugën “Fahri Fazliu”, në Prishtinë”, ka thënë Ahmeti./Llapi.info
Në një njoftim bëhet e ditur se i riu që ka humbur jetën është Arbnor Jupolli nga fshati Shajkoc.
“Ju njoftojmë se sot me datë 01.01.2023 ne oren 03:00 pas një aksidenti ndërroj jetë vllau jonë Arbnor (Shemsi) Jupolli. Varrimi bëhet sot më 01.01.2023 nga ora 16:00 në varrezat e fshatit Shajkoc”, thuhet në njoftim./Llapi.info
