Reshjet e fundit të shiut kanë shkaktuar sërish vërshime në disa fshatra të Podujevës, shkruan Llapi.info.
Gjendje e tillë është krijuar edhe në fshatin Letanc.
Sipas banorëve, të cilët kanë dërguar pamje në adresë të Llapi.info, uji ka “pushtuar” edhe oborre.
Në anën tjetër, sipas Institutit Hidrometeorologjik të Kosovës, i gjithë territori i Kosovës do të jetë nën ndikimin e masave të ngrohta të ajrit me origjinë nga jugperëndimi i vendit. Kjo situatë meteorologjike do të kushtëzojë me vranësira të dendura dhe reshje shiu.
Reshjet me intensitet mesatar deri të lartë do të jenë në perëndim dhe veriperëndim të vendit, kurse pjesët tjera do të kenë të intensitetit të dobët e herë-herë mesatar.
Temperatura më e ulët do të lëvizin ndërmjet 4 deri në 8 gradë Celsius, ndërsa maksimalet e ditës parashihen të lëvizin ndërmet 11 deri në 14 gradë Celsius./Llapi.info
