Përfundon konkursi i Komunës së Podujevës për vozitës – pranohet zyrtari i VV-së

Ka përfunduar konkursi për vozitës i hapur nga Komuna e Podujevës, shkruan Llapi.info.

Sipas njoftimit të publikuar në faqen zyrtare të Komunës, më i suksesshmi në këtë konkurs po del të jetë zyrtari i Lëvizjes Vetëvendosje në Podujevë, Abedin Zeka.

Në njoftim bëhet e ditur se Zeka ka arritur 91 pikë – më së shumti nga nëntë kandidatë tjerë që kishin konkurruar në këtë konkurs.

Zeka është anëtar i vjetër i kësaj partie dhe deri vonë mbante pozitën e ushtruesit detyre të kryetarit të Qendrës së Lëvizjes Vetëvendosje, dega në Llap./Llapi.info