Çmimi i naftës në Kosovë, është duke u rritur do ditë.
Madje, në një bisedë për tëvë1.info, kryetari i Shoqatës së Naftëtarëve të Kosovës, Fadil Berjani, paralajmëroi se gjatë ditës së sotme, nafta mund të shkojë deri në dy euro për një litër.
Lidhur me këtë, Qeveria e Kosovës ka vendosur që të ndërhyjë në mimet e naftës.
Sipas vendimit të Qeverisë, shitësve me pakicë të naftës dhe derivateve të saj iu është vendosur marzhi tregtar i fitimit prej 6%, ndërkaq shitësve me shumicë iu është vendosur marzhi tregtar prej 4%.
Sipas këtij vendimi, asnjë naftëtar nuk do të mund të fitojë më shumë se 6% të shumës totale të çmimit që ata e kanë blerë litrën e naftës.
Këtë vendim e kanë kundërshtuar Shoqata e Naftëtarëve, që sipas tyre ka rrugë të tjera më të përballueshme.
“Vendimi të hiqet sepse nuk mund të zbatohet në mënyrën se çfarë duhet. Opsioni i dytë, vetë deponitë, importuesit thanë që 4% marzhi i fitimit është e lartë e të kthehet në 8 me dy, sepse po dëmtohet këta me pakicë”, thotë Fadil Berjani, kryetari Shoqatës së Naftëtarëve Kosovë.
Në tregjet me shumicë çmimi i naftës gjatë së martës ishte 1.25 ndërkohë që të mërkurën arriti në 1.35. Kështu, nafta në pikat e shitjes me pakicë kushton 1.42.
Vendimi i Qeverisë së Kosovës obligon të gjitha deponitë dhe pikat shitëse të naftës të mbajnë në stoqet e tyre së paku 5% të kapaciteteve për qëllime të rezervave emergjente.
Lufta në Ukrainë ka ndikuar në rritjen e çmimit të naftës dhe derivateve të kësaj, pasojë kjo që u ndje edhe tek ne në Kosovë./tëvë1.info
