Italia ka filluar të përballet me rritje të rasteve nga coronavirusi, pasi vetëm të premten regjistroi 5,372 të infektuar në 24 orët e fundit.
Sipas agjencisë së lajmeve italiane, ANSA, përcjell Telegrafi, rreth 4,458 raste ishin raportuar një ditë më parë.
Ministria e Shëndetësisë në Itali deklaroi se 129 mijë testime janë kryer për një ditë të vetme.
Italia dikur ishte epiqendra e shpërthimit të coronavirusit në Evropë, dhe ishte vendi i parë që zbatoi bllokimin mbarëkombëtar në përpjekje për të parandaluar përhapjen e sëmundjes.
Rritje të frikshme nga virusi vdekjeprurës janë parë edhe në vendet e tjera evropiane sikurse në Britani të Madhe, Gjermani, Spanjë si dhe në Francë.
