Katër persona janë arrestuar të mërkurën në Podujevë, pasi të njëjtit pas një mosmarrëveshje me një familje tjetër, gjatë fjalosjes kanë ekspozuar edhe armë, njofton Llapi.info.
Siç thuhet në raportin e PK-së, e gjithë kjo ngjarje ka ndodhur në lidhje me një pronë.
“Rr. Xhemajl Mustafa, Podujevë 12.08.2020 – 22:00. Janë arrestuar katër të dyshuar meshkuj kosovar pasi të njëjtit kishin një mosmarrëveshje me një familje tjetër, gjatë fjalosjes kanë ekspozuar edhe armë kallash, e gjithë ngjarja ka ndodhur lidhur me një pronë. Policia ka konfiskuar një pistoletë prodhim gjerman me 92 fishekë si dhe një AK-47 e cila ishte e demoluar tek mekanizmi i goditjes. Me urdhër të prokurorit njëri nga të dyshuarit është dërguar në mbajtje ndërsa të tjerët janë liruar në procedurë të rregullt”, thuhet në raportin e PK-së./Llapi.info
