Edhe 220 raste të reja me virusin korona janë konfirmuar sot në Kosovë, pas testimit të 472 mostrave nga IKSHPK-ja, raporton Llapi.info.
Sipas IKSHPK-së, gjatë 24-orëve të fundit në Kosovë kanë vdekur edhe tetë pacientë që kanë qenë të prekur me koronavirus, duke bërë kështu që numri i viktimave të arrijë në 177.
Sipas njoftimit, 12 raste të reja janë nga Komuna e Podujevës. Gjashtë nga qyteti, kurse me nga një rast në fshatrat; Shkovicë, Dumnicë, Llugë, Siboc, Bellopojë dhe Konushec.
“Rastet pozitive janë nga: komuna Prishtinë 81 raste, komuna Pejë 23 raste, komuna Ferizaj 13 raste, komuna Podujevë 12 raste, komuna Fushë Kosovë 10 raste, komuna Lipjan 9 raste, komuna Drenas 7 raste, komuna Gjakovë 7 raste, komuna Istog 6 raste, komuna Gjilan 6 raste, komuna Deçan 6 raste, komuna Viti 5 raste, komuna Vushtrri 4 raste, komuna Kamenicë 4 raste, komuna Suharekë 4 raste, komuna Klinë 4 raste, komuna Malishevë 4 raste, komuna Obiliq 4 raste, komuna Shtime 3 raste, komuna Skenderaj 3 raste, komuna Prizren 2 raste, komuna Rahovec 2 dhe komuna e Mitrovicës me 1 rast”, thuhet në njoftim.
Po ashtu, sot në Kosovë janë shëruar 121 pacientë, duke çuar në total numrin e tyre në 3.874.
Bazuar në të dhënat e fundit, që prej shfaqjes së rasteve të para me koronavirus në Kosovë më 13 mars, numri i përgjithshëm i të infektuarve ka arritur në 7.137. Ndërkaq, raste aktive, sipas të dhënave të IKSHPK-së janë 3.086./Llapi.info
