Kryetari në detyrë i Aleancës për Ardhmërinë e Kosovës, Ramush Haradinaj, ka uruar fituesit e zgjedhjeve në Maqedoni të Veriut dhe gjithashtu ka bërë thirrje që shqiptarët e Maqedonisë së Veriut të bëhen bashkë.
“Duke përgëzuar të gjitha partitë për rezultatet, në veçanti uroj të gjithë ata që fituan besimin e shqiptarëve për të përfaqësuar interesat e tyre”, është shprehur Haradinaj.
“Edhe njëherë, ju bëj thirrje liderëve shqiptarë që për hir të votuesve të tyre, të bashkohen për qeverisjen e vendit”, shtoi Haradinaj.
Më poshtë gjeni shkrimin e plotë të Haradinajt:
Maqedonia Veriore përmbylli me sukses procesin e zgjedhjeve parlamentare. Partitë politike dhe qytetarët, me maturi e kulturë politike, treguan orientimin e tyre për shtet që respekton vlerat universale të demokracisë.
Duke përgëzuar të gjitha partitë për rezultatet, në veçanti uroj të gjithë ata që fituan besimin e shqiptarëve për të përfaqësuar interesat e tyre.
Edhe njëherë, ju bëj thirrje liderëve shqiptarë që për hir të votuesve të tyre, të bashkohen për qeverisjen e vendit.
