Kryetari i Aleancës për Ardhmërinë e Kosovës, Ramush Haradinaj, ka thënë se situata e krijuar me COVID – 19 kërkon vigjilencë në të gjitha nivelet e institucioneve.
Ai ka pohuar se kjo situatë duhet trajtuar me seriozitetin më të madh.
“Me këtë rast dëshiroj t’i përgëzoj të gjitha institucionet e vendit që me vetëmohim po i ndihmojnë qytetarët. Kjo situatë kërkon unifikim dhe angazhim të të gjitha instancave shtetërore”, ka shkruar Haradinaj në Facebook.
Lideri i AAK-së, ka theksuar se zbatimi i vendimeve është në shërbim të ruajtjes së shëndetit të qytetarëve.
Ndryshe, deri më tani në Kosovë janë 19 raste të konfirmuara me coronavirus.
