Ka më shumë se një javë që Vladimir Ivanoviq nuk është parë në vendin e tij të punës. Po kaq ditë ka edhe që është lajmëruar si i zhdukur
Rrugët e Mitrovicës i kishte ecur duke punuar si taksist.
Vetura që ai drejtonte u gjet nga Policia e Kosovës diku në pjesën malore të Zveçanit.
Madje me të njëjtën veturë janë gjetur gjurmë të dyshimta.
45-vjeçari është edhe familjar i afërt me Oliver Ivanoviqin.
Nga partia që dikur drejtonte Oliver Ivanoviqi, kujtojnë se si u njoftuan me taksistin e zhdukur.
Liderja e Iniciativës ‘SDP’ në veri, Ksenija Bozhoviq, gjithashtu për T7 ka treguar që asnjë informatë nuk kanë për zhdukjen e këtij njeri.
Madje ajo tha se besojnë në bashkëpunimin e Policisë së Kosovës për gjetjen e njeriut të tyre.
Ndërkohë, nga rajoni i policisë në Mitrovicën e veriut thonë se Ivanoviqi i zhdukur nuk ka të bëjë asgjë me Ivanonviqin e vrarë më me shumë se një vit.
E kolegët nga terreni i taksive shqiptare thonë se Vladimir Ivanoviq përshëndetej me ta, por që nuk dinë asgjë për fatin e tij.
Vladimir Ivanoviq vazhdon të jetë ende i zhdukur dhe kërkimet për të janë duke vazhduar.
