Ambasadori britanik në Kosovë, Ruairi O’Connell, si çdo herë që bën urime të veçanta për qytetarët e Kosovës, edhe këtë herë në gjuhën shqipe, ka uruar 11 vjetorin e Pavarësisë.
“Sot, para 11 vitesh, Kosova ka shpallur pavarësinë në bazë të planit të Ahtisaar-it. Kosova u lind si Republikë shumë-kombëshe, demokratike, ku sundon ligji dhe të drejtat e njeriut”, ka nisur urimin e tij O’Connelli.
Tutje, ai ka thënë se Britania e Madhe do të vazhdojë ta mbështesë Kosovën gjithnjë.
“Ju uroj çdo kosovari këtë ditë, Pavarësinë e Kosovës, dhe mirëpresim edhe 111 vite miqësi mes Britanisë e Kosovës”, ka thënë tutje O’Connelli.
