Avokati i Përgjithshëm i Arabisë Saudite ka planifikuar të shkojë në Turqi për të zhvilluar bisedime me hetuesit për vrasjen e Khashoggit.
Turqia ka thënë se prokurori i Arabisë Saudite , Saud al-Mojeb, pritet të diskutojë gjetjet më të fundit me hetuesit turq, njofton Klan Kosova.
Nuk ka pasur njoftime nga sauditët lidhur me vizitën, e cila vjen vetëm pas pak ditësh pasi drejtori i CIA-s, Gina Haspel, ishte në Turqi për të shqyrtuar provat përpara se të informonte presidentin e SHBA-së.
Turqia po kërkon ekstradimin e 18 sauditëve të paraburgosur në Arabi, në lidhje me vrasjen e 2 tetorit, raporton Al Jazeera.
Ministri i Jashtëm i Arabisë Saudite dukej se po refuzonte këtë nocion në komentet që bëri të shtunën, duke thënë se do t’i çonte para drejtësisë pas përfundimit të hetimit.
