Ditën e sotme është shënuar një tjetër rekord negativ për sa u përket numrit të infektimeve me Covid-19 në Shqipëri.
Burime për Top Channel bëjnë me dije se gjatë 24 orëve të fundit në të gjithë vendin kanë rezultuar pozitivë me Covid-19, 57 persona.
Ky është numri më i lartë i infektimeve deri më tani në Shqipëri. Kujtojmë se një shifër kaq të lartë Shqipëria nuk e ka shënuar edhe në kulmin e pandemisë ku vendi ishte në izolim.
Ndërkohë ditët e fundit në kryeqytet, por edhe në qytete të tjera të vendit është vënë re një neglizhim nga qytetarët, duke mos respektuar distancën fizike, apo përdorimin e maskave.
Ndërkohë një ditë më parë në Shqipëri u shënuan 48 raste pozitive me koronavirus e ndërsa ka pasur edhe një rritje të të shtruarve në spital, 4 më shumë se dje. Ndërkohë, hartës së qyteteve të prekura është shtuar edhe Gjirokastra, ku ditën e djeshme ka shënuar rastin e parë.
