Instituti Kombëtar i Shëndetit Publik në Kosovë (IKSHPK), ka regjistruar sot edhe 562 raste të reja me virusin korona, pas testimit të 5.272 mostrave në laboratorët shtetërorë dhe privatë, raporton Llapi.info.
Siç ka njoftuar ky Institut, brenda 24-orëve janë raportuar dy raste te vdekjes me SARS CoV-2 pozitiv, derisa janë shëruar 78 pacientë.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 110,194 pacientë me këtë virus. Prej tyre 2,271 kanë vdekur, kurse janë shëruar deri më sot 105,765. Në total numri i rasteve aktive është 2.158./Llapi.info
