Deputetit të AAK-së, Shkumbin Demaliaj i është shqiptuar masa e paraburgimit prej 30 ditësh.
Demaliaj është arrestuar të enjten pas deklaratave kërcënuese ndaj prokurorit special Elez Blakaj.
Avokati i tij, Arianit Koci ka thënë për KTV-në se vendimi është i pabazuar pasi është marrë pa pasur prova.
Prokurori Rexhep Maqedonci sot gjatë ditës ka kërkuar 30 ditë paraburgim për deputetin e AAK-së. Maqedonci është i njëjti i cili ka kërkuar arrestimin dhe caktimin e masës së paraburgimit edhe për deputetin e Nismës Milaim Zekën i dyshuar gjithashtu për kanosje të një prokurori.
