Kina ka publikuar bilancin e 24 orëve të fundit me koronavirus.
Kina raportoi 27 raste të reja COVID-19 më 28 dhjetor, nga 21 raste një ditë më parë, tha autoriteti kombëtar shëndetësor i vendit të martën, raporton Reuters, transmeton lajmi.net.
Komisioni Kombëtar i Shëndetësisë tha në buletinin e tij të përditshëm në internet se 12 nga rastet e reja ishin infeksione të importuara me origjinë nga jashtë. 15 rastet e transmetuara lokalisht erdhën nga provinca verilindore e Liaoning dhe kryeqyteti i Pekinit.
Numri i rasteve të reja asimptomatike, të cilat Kina nuk i klasifikon si raste të konfirmuara, ra në tetë nga 20 raste një ditë më parë.
Numri i përgjithshëm i rasteve të konfirmuara COVID-19 në territorin e Kinës tani qëndron në 87,003, ndërsa numri i të vdekurve mbeti i pandryshuar në 4,634.
