Ballina Lajmet Zemaj takim virtual me homologët nga Ballkani, flasin për menaxhimin e pandemisë...

Zemaj takim virtual me homologët nga Ballkani, flasin për menaxhimin e pandemisë COVID-19

27/08/2020

Ministri i Shëndetësisë, Armend Zemaj, ka njoftuar se ka përfunduar një takim virtual me përfaqësuesit e shteteve të Ballkanit Perëndimor, përfshirë Greqinë dhe Bullgarinë.

Zemaj ka thënë se biseda ishte konstruktive, ku ndër të tjera kanë shkëmbyer idetë, përvojat dhe mësimet e nxjerra nga kjo krizë.

“Folëm për praktikat e mira që janë zbatuar për të parandaluar përhapjen e virusit dhe për të mirëmbajtur shërbimet themelore shëndetësore. Diskutuam edhe për mundësitë për t’i parapërgatitur vendet tona për një valë të re të mundshme të virusit në vjeshtë, fillimin e vitit it të ri shkollor dhe se si të bëhen parapërgatitjet në shkolla, për ta rinisur mësimin me prezencë fizike në klasë, si dhe cilat do të ishin hapat e ardhshëm për të hapur kufijtë ndërshtetërorë për udhëtime”, ka shkruar Zemaj në Facebook.

Tutje, Zemaj ka njoftuar se kanë biseduar edhe për vaksinat e gripit sezonal.

“U tha se javët në vijim për të gjitha shtetet tona vështirësi dhe sfidë është fillimi i vitit të ri shkollor”.

Sapo përfundova një takim shumë të rëndësishëm virtual me përfaqësuesit e shteteve të Ballkanit Perëndimor,…
Gepostet von Armend Zemaj am Donnerstag, 27. August 2020