Në Klinikën Infektive të QKUK-së, sot më 14.04.2020 janë të shtrirë për mjekim 54 pacientë të sëmurë nga Covid-19.
Prej tyre 10 raste janë në gjendje të rëndë në trajtim me oksigjenoterapi dhe përkujdesje intensive.
Siç njofton Klinika Infektive, në pritje të rezultateve janë 7 raste, ndërsa 8 raste janë testuar dhe kanë rezultuar negativ për Covid 19.
Këto të dhëna i ka bërë të ditura edhe zëdhënësi i Ministrisë së Shëndetësisë, Faik Hoti përmes një postimi në Facebook.
Nga 54 raste të infektuar me Covid 19:
• 41 raste janë në gjendje stabile;
• 10 raste janë në gjendje të rëndë në trajtim me oksigjenoterapi dhe përkujdesje intensive
• Në mjekimin intensiv vazhdojnë të jenë në gjendje kritike tre (3) pacientë, prej të cilëve njeri është në oksigjenoterapi dhe përkujdesje intensive si dhe dy pacientë janë në ventilim mekanik.
Sa i përket stafit të Klinikës Infektive, nuk ka raste të reja të infeksionit brenda-spitalor.
