Samsung Galax S22 Ultra do të dalë vitin e ardhshëm, por tani informacione të reja kanë rrjedhur në lidhje me modelin e ri të Samsung.

Sipas informacioneve të rrjedhura, S22 Ultra do të jetë me skaje të rrumbullakëta dhe do të kujtojë shumë Galaxy Note 20.

Do të ketë gjithashtu një S Pen si të gjitha pajisjet Galaxy Note.

S 22 Ultra do të ketë gjithashtu një sensor që zbulon kur S Pen vendoset ose hiqet nga telefoni.

Sensori do të jetë në gjendje të rregullohet, në mënyrë që të fillojë veprime të caktuara. Sa i përket ekranit, ai do të ketë teknologjinë AMOLED dhe një diagonale prej 6.8 inç, me një shkallë të lartë rifreskimi.

Përmasat janë 163.2 x 77.9 x 8.9mm dhe trashësia është 10.5mm, nëse llogarisim kamerën.

Kamera kryesore do të ketë një sensor 108MP me 0.8 μm pixel, kamera ultra-gjerë do të ketë një sensor 12MP dhe OIS (stabilizues optik i imazhit), ndërsa kamera selfie do të ketë një sensor 40MP.

Samsung pritet të njoftojë zyrtarisht në janar 2022 kur do të prezantojë S22 Ultra.