Temperaturat e larta do të rikthehen në Kosovë. Dy ditët e ardhshme do të mbajë mot i ngrohtë.
Temperaturat do të arrijnë deri në 30 gradë Celsius, ka njoftuar Instituti Hidrometeorologjik i Kosovës.
“Do të mbajë mot kryesisht i ngjashëm me ditët e fundit por në vlerat e temperaturave maksimale parashihet ngritje të lehta. Temperaturat minimale do të lëvizin ndërmjet 10-11 gradë Celsius, ndërsa maksimalet e ditës parashihen të lëvizin ndërmjet 28-30 gradë Celsius. Do të fryjë erë e lehtë deri mesatare nga drejtimi i verilindjes”, thuhet në njoftim
