5 ditë me radhë zgjatën negociatat, por marrëveshja nuk u arrit.
Presidenti i Ballkanit, Arsim Kabashi, e pati top prioritet, transferimin e mesfushorit të Llapit, Valmir Veliu.
Burime të Indeksonline, bëjnë të ditur se Ballkani i kishte ofruar gjatë verës Tahir Batatinës plot 80 mijë euro për ta transferuar Veliun në Suharekë.
Marrëveshja nuk u realizua për shkak se Batatina kërkonte përqindje në kartonin e Veliut, pas transferimit të tij jashtë Kosovës.
Në rast se palët do të arrinin dakord, 20-vjeçari do të bëhej futbollisti më i shtrenjtë në histori të Superligës
Skuadrat kosovare rrallë herë paguajnë dëmshpërblim për transferimin e lojtarëve, zakonisht marrin lojtarë që nuk kanë kontrata valide.
Ndryshe, Veliu menaxhohet nga kompania “Alf Sports”, klient i së cilës është edhe Milot Rashica.
