Ish ushtari i UÇK-së, Tomor Morina për më shumë se dy javë u mbajt në paraburgim në Maqedoni, pas ndalimit në kufirin Kosovë-Maqedoni, me kërkesë të Interpolit pas fletarrestit ndërkombëtar të lëshuar nga Serbia, njofton Telegrafi Maqedoni.
Telegrafi Maqedoni më herët ka biseduar me avokatin e tij mbrojtës, Naser Raufi i cili ka thënë se është çështje orësh lirimi i Morinës nga burgu dhe tani pritet që vendimin për lirimin e tij Ministria e Drejtësisë ta çojë tek burgu “Shkupi”.
Tomor Morina është liruar pasditen e 14 gushtit, me vendim se Serbia nuk i ka plotësuar kërkesat juridike për ekstradimin e tij, me akuzën për krim ndaj njerëzimit në luftën e vitit 1998.
“Jam këtu tek dyert e burgut duke e pritur të del” tha Raufi për Telegrafin.
Morinës i hiqet masa e paraburgimit, ndërsa Gjykata Penale e Shkupit i caktoi masë kujdesi
Më herët brenda ditës, Gjykata e Lartë vërtetoi vendimin e gjykatës për mos ekstradim të Morinës. Më herët, Maqedonia ka ndaluar edhe Gafur Dugollin për të njëjtën arsye, me kërkesë të Serbisë për krim ndaj njerëzimit.
