Ka përfunduar takimi mes kryeministrit të Kosovës, Albin Kurti dhe kancelares gjermane, Angela Merkel.

Kurti në një konferencë për media pas këtij takimi, theksoi që u konfirmua se procesi i Berlinit është korniza edhe rruga për integrimin e gjashtë shteteve të Ballkanit Perëndimor në BE, njofton Klankosova.tv.

“U konfirmua se Procesi i Berlinit është edhe korniza edhe rruga për integrimin e gjashtë shteteve të Ballkanit Perëndimor në Bashkimin Evropian. Procesi i Berlinit është mjaftueshëm i gjerë dhe gjithashtu mjaftueshëm i thellë, që të mos ketë nevojë për variante tjera alternative”.

“Në bisedat që pata theksova që nuk duhet të ketë fonde evropiane- pa vlera evropiane, pra fondet e BE-së për gjashtë shtetet e Ballkanit Perëndimor duhet patjeter që të paraprihen dhe të shoqërohen me vlerat e BE-së”.