Kosova është furnizuar me 10 mijë doza të vaksinave nga Kroacia, raporton Gazeta Express.
Furnizimi me vaksina është bërë mbrëmë.
Lajmin e ka konfirmuar për Express zëdhënësi i Ministrisë së Shëndetësisë, Faik Hoti.
“Po mbrëmë kanë arritë”, ka deklaruar ai.
Më 24 maj, ministri i Shëndetësisë, Arben Vitia ka nënshkruar marrëveshjen për furnizim me vaksina me Kroacinë.
Ministria e Shëndetësisë ka njoftuar se gjatë këtij takimi, Bardiqi dhe Barishiq kanë nënshkruar marrëveshjen për 10 mijë doza të vaksinës antiCOVID, të cilat ministri i Jashtëm kroat, Gordan Grliq-Radman, pati njoftuar se Kroacia do ia bëjë dhuratë Kosovës.
