Ish-ushtruesi i detyrës së kryetarit të PDK-së, Enver Hoxhaj ka deklaruar se nuk ka shpallur kandidaturën për të parin e këtij subjekti për t’i hapur rrugën gjeneratave të reja.
Hoxhaj gjatë konventës zgjedhore të PDK-së tha se nuk janë parti e themeluar nga kafenetë por nga lufta dhe burgjët.
“Nga reshti i parë deri në fund ju jeni parti një parti që ka lindur nga lufta dhe burgjet e errëta. Nuk jemi parti që është krijuar në zyra të nxehta apo në kafene. Më vjen mirë që po i shoh themeluesit e partisë, që janë më në moshë, por që nuk janë dorëzuar. Po shoh edhe shumë të rinj e të reja të cilët e shohin PDK si parti me të kaluar por që ka vizion për Kosovën… jam i sigurt se kryetari dhe presidenti do të kthehen faqebardhë, pranë familjes edhe familjes sonë politike sepse lufta ka qenë . Ne miqt dhe bashkëpunëtorët e tyre nëpër faza kritike jemi shumë krenar më ta dhe të arritura të tyra dhe sjelljen prej burrështetasit”, tha Hoxhaj.
Ai ftoi të gjithë delegatët që ta mbështesin kryetarin e ri.
Tutje Hoxhaj u shpreh i bindur se PDK-ja do ta rikthejë pushtetin siç tha ai “nga Mitrovica dhe në Prizren”.
Pas tij, Konventa zgjedhore po vazhdon punimet pa prezencën e mediave.
Kandidat i vetëm për kreun e PDK-së është vetëm Memli Krasniqi.
