Anëtarët e Komisionit për Çështje të Sigurisë dhe Mbrojtjes kanë kërkuar nga ministri i Punëve të Brendshme, Agim Veliu që të raportojë në legjislativ rreth futjes së ushtrisë serbe në Karaçevë.

Deputeti nga partia e Ramush Haradinajt-AAK, Bekë Berisha kërkoi që Veliu të jetë në interpelancë.

“I kam qu fjalë edhe personalisht hajde këtu dhe përbaullu dhe mos qit rregulla. Propozojë që të dy ministrat me i thirrë në interpelancë”, ka deklaruar Veliu.

Edhe deputetët e Partisë Demokratike të Kosovës dhe Vetëvendosje kanë mirëpritur kërkesën e Bekë Berishës që i pari i MPB-së të raportojë në një seancë të veçantë.

Deputeti i PDK-së, Elmi Reçica sugjeroi që anëtarët e këtij Komisioni të shkojnë në Karaçevë.

“… të marrim informacione dhe ta shikojmë se si është gjendja. Ta dijmë se ku është demarkacioni. Mendojë që kontrolli i kufirit është kompetencë e KFOR-it. Mirëpo, ne duhet që t’i marrim të gjitha veprimet dhe gjatë kësaj jave, krerët e sigurisë të raportojnë për situatën”, është shprehur ai.